| Jaro | Tago | Evento |
| 1859 | 15.12 | Naskiĝis Ludoviko Lazaro Zamenhof - la iniciatinto de Esperanto. |
| 1878 | | Pretiĝis la unua primitiva formo de Esperanto, kiun Zamenhof nomis "Lingwe Uniwersala". Sed ĝi estis ankoraŭ sufiĉe malsama de la nuna Esperanto. |
| 1884 | | Post perfektigo la lingvo ricevis formon de la nuna Esperanto. |
| 1887 | 26.07 | Ĉe la presejo Keller aperis la unua libro de "La Lingvo Internacia", unue en la rusa, poste en pliaj lingvoj. |
| 1888 | | Aperis la "Dua Libro". |
| 1889 | | En Nurenbergo aperis la unua Esperanta revuo "La Esperantisto", fondiĝis unuaj Esperanto-kluboj. |
| 1905 | 5-12.08 | Francoj sukcesis organizi la unuan Universalan Kongreson. Ĝin partoprenis 688 kongresanoj el 20 landoj. Dum tiu kongreso oni akceptis interalie Lingvan Komitaton kaj la Fundamenton de Esperanto, por servi al la stabileco kaj evoluo de la lingvo. |
| 1908 | | Fondiĝis Universala Esperanto-Asocio (UEA) - poste la plej granda Esperanta asocio. |
| 1917 | 14.07 | En Varsovio mortis Zamenhof, estante 57-jara. |
| 1921 | | Fondiĝis Sennacieca Asocio Tutmonda (SAT), por laboristoj. Ekde la jaro 1970 ĝi eldonas la plej grandan Esperanto-vortaron - Plenan Ilustritan Vortaron de Esperanto (PIV). |
| 1927 | | Aperis unu el la unuaj sondiskoj kun Esperanto-teksto, nome de la UEA-prezidanto Edmond Privat. |
| 1933 | | La esperantistoj de UEA kaj naciaj societoj aranĝis kunlaboron kun UEA kiel kupola organizaĵo ankaŭ por la naciaj societoj. |
| 1938 | | En Nederlando okazis la unua Internacia Junulara Kongreso (IJK), tiutempe nomiĝanta kiel "Internacia Junulara Kunveno". Dum ĉi tiu kunveno naskiĝis Tutmonda Esperantista Junulara Organizo (TEJO). |
| 1946 | 19.11 | Fondiĝis Tutmonda Esperantista Ĵurnalista Asocio (TEĴA). |
| 1949 | | Estis fondita Internacia Ligo de Esperantistaj Instruistoj (ILEI) - faka asocio de esperantistaj instruistoj kaj instruantoj de Esperanto. Ĝi estas ne-registara organizo en operaciaj rilatoj kun Unesko. |
| 1954 | | Unesko, la UN-organizaĵo pri edukado, scienco kaj kulturo, esprimis en rezolucio ke la internaciismaj celoj de UEA kongruas al tiuj de Unesko. |
| 1970 | | La ŝtatprezidanto de Aŭstrio vizitis la Universalan Kongreson de Esperanto en Vieno. |
| 1977 | | La Ĝenerala Direktoro de Unesko vizitis la Universalan Kongreson de Esperanto en Rejkjaviko. Tie ankaŭ fondiĝis la Eŭropa Esperanto-Unio (EEU) - asocio por antaŭenigi Esperanton en la Eŭropa Unio por igi la Eŭropan Union lingve efika kaj sendiskriminacia. |
| 1999 | | Fondiĝis Esperanto@Interreto (E@I) - internacia laborgrupo, kiu okupiĝas pri retaj projektoj, inter kiuj estas lernu!, Interkulturo, Lingva Prismo, aktuale.info k.a. En la jaro 2005 ĝi registriĝis kiel politike neŭtrala, neregistara junulara organizo. |
| 2002 | | Ekfunkciis lernu! - la plej granda paĝaro por senpage lerni Esperanton. |
| 2003 | | Estis kreita politika movado EDE (Eŭropo - Demokratio - Esperanto), kiu deziras pere de Esperanto plibonigi la kompreniĝon kaj plifortigi la demokration en Eŭropo. La unua Internacia Konferenco de EDE okazis en la jaro 2009. |
| 2004 | | Małgorzata Handzlik iĝis unua esperantista Membro de Eŭropa Parlamento. |
| 2006 | 12.07 | La urbo Herzberg-am-Harz (Germanio) ekuzis oficialan kromnomon "la Esperanto-urbo". |
| 2008 | 26-30.05 | Dum la unua Tutmonda Kongreso de Esperantistoj-Ĵurnalistoj en Vilno (Litovio) okazis renovigo de la estraro de TEĴA kaj la unuaj paŝoj al serioza reaktivigo de la asocio (la asocio ne funkciis dum iom da tempo). La nova prezidanto de TEĴA kune kun la Litova Ĵurnalista Asocio deklaris sin preta labori por starigo de konkreta kunlaboro inter TEĴA kaj Internacia Federacio de Ĵurnalistoj. |
| 2008 | 15.06 | Esperanta versio de Wikipedia - la plej granda reta Enciklopedio - atingis 100.000 artikolojn. |
| 2008 | 10.09 | Lumdisko "Esperanto" aperis en la grava pola tagĵurnalo "Gazeta Wyborcza" kiel senpaga aldonaĵo kun la rekorda eldonkvanto de 364.000 ekzempleroj. La diskon mendis kaj financis la urbo Bjalistoko por reklami Universalan Kongreson 2009 en Bjalistoko kaj kreis organizo E@I. |
| 2009 | 01 | Eblas trapasi internaciajn Esperanto-ekzamenojn je 3 niveloj (B1, B2, C1) kaj mezuriĝi pri la bazaj 4 kapabloj: lega kaj aŭda kompreno, skriba kaj parola sinesprimo laŭ la Komuna Eŭropa Referenckadro. |
